Foydalanish shartlari

Oxirgi yangilanish: 2026-yil 5-noyabr

Bu shartlar Fotochi (fotochi.uz va @fotochiuzbot) xizmatidan foydalanishni tartibga soladi. Xizmatni Shohjaxon Sultonov yuritadi. Rasm yuklash yoki to'lov qilish orqali siz shu shartlarni qabul qilasiz. Rozi bo'lmasangiz, xizmatdan foydalanmang.

Xizmat

Fotochi rasmni hujjat o'lchamiga keltirish, fonni almashtirish, kiyim qo'shish va chop etishga tayyorlash vositalarini beradi. Rasmlar avtomatik ishlanadi, shuning uchun natijani foydalanishdan oldin o'zingiz tekshiring.

Hujjatlar uchun rasm

Har bir davlat organi va tashkilotning o'z talablari bor va ular o'zgarishi mumkin. Rasmning qabul qilinishini kafolatlamaymiz. Fon yoki kiyim o'zgartirilgan rasmni muayyan hujjat uchun ishlatish mumkinligini shu hujjatni qabul qiluvchi tashkilotdan aniqlash sizning zimmangizda.

Sizning majburiyatlaringiz

• Faqat o'zingizning yoki egasining roziligi bor rasmlarni yuklang.
• 18 yoshga to'lmagan shaxsning rasmi ota-onasi yoki qonuniy vakili roziligi bilan yuklanadi.
• Xizmatdan soxta hujjat tayyorlash, boshqa shaxs nomidan harakat qilish yoki boshqa noqonuniy maqsadda foydalanmang.
• Xizmat ishiga xalaqit bermang va uni avtomatik ommaviy so'rovlar bilan yuklamang.

Narx va to'lov

Narxlar saytda ko'rsatiladi. Natijani suv belgili namuna sifatida bepul ko'rasiz, to'lov suv belgisiz faylni olish uchun qilinadi. To'lov tasdiqlangach mablag' balansingizga tushadi. Natija texnik sabab bilan yetkazilmasa yoki to'lov xato yechilsa, @fotochiuzbot orqali murojaat qiling, masala qonunchilikka muvofiq ko'rib chiqiladi.

Huquqlar

Siz yuklagan rasmlar sizniki bo'lib qoladi. Bizga ularni faqat xizmatni ko'rsatish uchun ishlash huquqini berasiz. Sayt, dastur va kiyim shablonlari Fotochi yoki ularning huquq egalariga tegishli.

Javobgarlik

Xizmat «boricha» taqdim etiladi, uzilishlarsiz ishlashi kafolatlanmaydi. Qonun ruxsat bergan doirada javobgarligimiz ushbu xizmat uchun siz to'lagan summa bilan cheklanadi. Bu qoida iste'molchi sifatidagi qonuniy huquqlaringizni cheklamaydi.

Yakuniy qoidalar

Shartlarni buzgan foydalanuvchiga xizmat ko'rsatishni to'xtatishimiz mumkin. Shartlar o'zgarsa, yangi tahriri shu sahifada e'lon qilinadi. Munosabatlar O'zbekiston Respublikasi qonunchiligi bilan tartibga solinadi, nizolar avvalo muzokara yo'li bilan hal qilinadi. Shaxsiy ma'lumotlar Maxfiylik siyosatida yoritilgan.